БІЛІМ БЕРУ ҰЙЫМЫН БАСҚАРУ ЖҮЙЕСІ

Жаксылыкова Сауел Мухамбетказиевна

Ақтөбе қаласы, Астана ауданы, Жанақоныс

«Балалар шығармашылық үйі» МКҚҚ  директоры

№52. 2021 жыл, қараша

«САМҒАУ» Республикалық ғылыми-әдістемелік журналына

жарияланған мақала

Қазіргі қоғамның білім са­ла­сындағы өзекті мәселесі – ­әлеу­­меттік-экономикалық жағ­дайға бейім және өзі өмір сүріп жат­қан қоғамды өзгертетін тұлға қалыптастыру. Қоғамда өмір сү­руге бейім тұлға шығармашыл, интеллектісі жоғары, белсенді, әлеуметтік жауапкершілігі мол, ой-өрісі кең, терең білімді, кәсі­би сауатты болуы тиіс. Тұлға бо­йындағы осындай талаптарды қалыптастыра отырып, оқу-тәрбие үдерісі білім беру жүйесінің жаңа мазмұнға ие болуына қол жеткізбек. Жас ұрпақтың жаңаша ой­ла­уына, олардың біртұтас дү­ние­танымының қалыптасуына, әлемдік сапа деңгейіндегі білім, білік негіздерін меңгеруіне ықпал ететін жаңаша білім мазмұнын құру – жалпы білім беру жүйе­сіндегі өзекті мәселенің бірі.  Қазақстанның білім саласын­да әлемдік үрдістерге кіруі, дамы­ған елдердің стандарттарына ұм­тылысы білім беру жүйесінің жа­ңа сапалық деңгейге өту қажет­тілігін арттыруда. Елбасымыз Нұр­сұл­тан Назарбаевтың «Барлық жаң­ғырту үрдісіндегі табыстың не­гіз­гі факторларының бірі – ұлттық білім беру жүйесін жаңарту болып табылады», деген сөзін негізге ала­ отырып елімізде білім беру үде­рісі жаңартылуда. Қазіргі кезде білім беру жүйесінде жасалып жатқан реформалар барлық дең­гейлердегі білім мазмұнын жаңартуға бағытталған. Ал білім саласындағы түбегей­лі өзгерістер оқытушыдан үлкен жа­уап­­кершілікті талап етеді. Өзді­гінен білім алатын, жан-жақты із­денетін, алдағы өмір жолын өзі болжай алатын тұлға тәрбиелеу – ұстаздың қолында.

Қосымша білім беру ұйымының мақсаты - әрбір тәрбиеленушілердің бос уақытын тиімді пайдалану мен бірге қоғамның дамуына үлес қоса алатын, жан-жақты шығармашылықпен ойлай алатын, дені сау, білім мен білік дағдылары қалыптасқан, адамгершілігі мол жас ұрпақ тәрбиелеу.                                                                                            Міндееттері:

Балалар мен жасөспірімдерге арналған қосымша білім беру бағдарламасы бойынша балалардың түрлі бағыттағы қабілеттерін дамытуға жан-жақты ықпал ету;

 Ұлттық құндылықтар негізінде өнердің әртүрлі саласы бойынша тәрбиеленуші бойындағы шығармашылық қабілетін ашуға, мүмкіндік жасау;

 Тәрбиеленушілердің рухани адамгершілік қасиеттерін дамыту, патриоттыққа тәрбиелеу, салауатты өмір салтын қалыптастыруға бос уақыттарын мағыналы, тиімді пайдалануға көмектесу мен күрделі мәселелерді шеше білуге үй­рету.

  Оқытушының шеберлігі қандай жоғары болса да ол оқушы­ның өз белсенділігін туғыза алмаса, берген білім күткендегідей нәтиже бермейді.  Оқушының тұлға ретінде қалыптасуы белсенділік арқылы жү­зеге асады. Сол белсенділікті жү­зеге асыратын – жаңартылған оқу бағдарламасы. Оны өз пәнін, өз ма­мандығын шексіз сүйетін, бала үшін ұстаз ғұмырын құдыретті деп санайтын білімді оқытушылар ғана іске асырады.

Сондықтан дарынды оқушылардың дамып, шыңдалуына негіз болатын – да­рынды ұстаздар.

Осы қосымша білім беру ұйым оқытушылары де түрлі облыстық, республикалық байқауларға қатысып, жеңімпаз атанып, облыстық, республикалық көлемде өткізілетін семинар, конференцияларда белсенді түрде тәжірибе алмасуда. Осындай тәжі­рибелі ұстаздардың қатарына жа­ңадан келіп қосылған жас ма­мандарға тәлімгерлері қолдау көрсетіп, шеберлік сынып, тренингтер, коучингтер, менторингтер арқылы мұғалімдіктің қыр-сырын үйретуде.

 Еңбек жолын оқытушы   болудан бастаған жас мамандарға өзіне-өзі сенімді болуы үшін терең білім алып, бәсекеге қа­білетті интеллектуалдық дәрежесі жоғары маман болуына баса көңіл бөлінуде. Білім мазмұ­нын­да – оқушыла­рымыздың білім кеңістігінде еркін самғауына жол ашатын, әлемнің ғылыми құпияларына үңіліп, өз қабілетін танытуына мүмкіншілік беретін бүгінгі ең басты қажеттілік.Білім беру кеңістігіне кірудің стра­тегиялық мәселелерінің тағы бірі – қосымша білім беру ұйымында материалдық-тех­ни­калық базасын жаңарту. Осы ба­ғыт­тағы жұмыстарды жүзеге асыру үшін қосымша білім беру ұйымында   мате­риалдық-техникалық базасы заман талабына сай жабдықталуда. Басқаруда білім беру­дің сапасын үнемі өзіндік тәр­тіппен бағалауды қамтамасыз ету де маңызды мәселе.Білім бе­ру­ді жаңартылған мазмұнға кө­шіру аясында білім беру үде­рісін тиімді басқару қажет. Үл­кен жетістіктерге қол жеткізу ұйымда педагогикалық ұжым­ға ғылыми тұрғыдан дұрыс бас­шы­лық жасауға да байланыс­ты. Өркениетке көшкен әлем­нің көптеген елдерінде мекеме­ ұжымының имиджін қалыптас­тыру, оны жоғарылату ниетінің өскені байқалады. 

Білім беруді жаңарту технологияны меңгеру оқытушының зейін-зерделік, кәсіптік, адамгершілік, рухани, азаматтық және басқа да көптеген ұстаздық келбетінің қалыптасуына игі әсерін тигізеді, өзін-өзі дамытып, оқу-тәрбие үрдісін жүйелі ұйымдастыруына көмектеседі.